Bu- og nærmiljø

Kommunen har eit hovudansvar for å sikra gode bu- og nærmiljøkvalitetar for innbyggarane som samfunnsutviklar, tenesteytar, og ansvar for planar og reguleringar.

Time Arbeidarparti vil arbeida for at det er tilgang på tomter til bustad og næring i tettstadene i kommunen.Med over 7000 kjøretøy kvart døgn er Kvernaland i ferd med å verta kvelt av trafikk. Time Arbeidarparti vil arbeida for og støtta tiltaksom kan redusera trafikken på fv. 505 gjennom Kvernaland. Time Arbeidarparti vil også arbeida for at det blir utarbeidd ein sentrumsplan for Kvernaland.

Like viktig for eit godt bu- og nærmiljø er det sosiale. Time Arbeidarparti vil at Time skal vera ein kommune der respekt, toleranse, samhald og inkludering er framtredande verdiar. Gode og varierte tilbod er viktig for trivselen og Time Arbeidarparti vil arbeida for trivelege møtestader for alle i alle delar av kommunen. Det er ulike kulturar og bakgrunn hos innbyggarane i Time. Det er viktig at alle kjenner seg heime i kommunen. Time Arbeidarparti vil arbeida for at det blir oppretta lokale fedrenettverk og mødrenettverk for foreldre som har minoritetsbakgrunn.

Time Arbeidarparti vil:

• Arbeida for ein kommune der respekt,toleranse, samhald og inkludering er framtredande verdiar
• Legga til rette for trivelege møteplassar for alle generasjonar
• Arbeida for og støtta tiltak som kan reduseratrafikken på fv 505 gjennom Kvernaland
• Arbeida for tomter til bustad og næring på Bryne, Kvernaland og elles i kommunen
• Vidareutvikla Lye som byggjefelt med vegar,leikeplassar, møtestader etc.
• Arbeida for å utvikla ny sentrumsplan på Kvernaland i dialog med innbyggjarane der
• Arbeida for å tryggja skulevegane i kommunen
• Tilby startlån til førstegongs-etablerarar i heile kommunen
• Arbeida for at det blir oppretta lokale fedrenettverk og mødrenettverk for foreldre som har minoritetsbakgrunn for å løfta ressursane hos foreldre med minoritetsbakgrunn. Bruka nettverk for å organisera foreldre/barn aktivitetar, turar, kurs og kompetanseheving
• Arbeida for å få tilgang til parsellhage som kan brukast til matdyrking, og som treffpunkt og aktivitet på tvers av grupper og aldar
• Arbeida for å få fleire med innvandrarbakgrunn inn i politikken
• Arbeida for tilfredsstillande toalettløysingar i Bryne sentrum
• Arbeida for å vidareutvikla jernbanestasjonen på Bryne slik at det skal opplevast trygt å reisa med tog